Quranda Ayə Axtarışı
Bütün Quran ayələrinin axtarışı, tərcüməsi və təfsiri
Quranda Axtarış Edin
Populyar Axtarışlar
28 açar söz
Axtarış nəticələri:
sureadi = "Əl-Hicr surəsi" üzrə
99 ayə tapıldı.
(41 - 60 arası göstərilir)
Yüklənir...
Nəticələr yüklənir...
Əl-Hicr surəsi
Ayə 41
(İblis onların az bir qismindən başqa hamısını ixtiyari hidayətdən çıxarıb məcburi şəkildə azdıracağını iddia etdi.) Allah buyurdu: «Bu, (onları ixtiyari hidayət və zəlalət yolunda qoymaq), Mənim öhdəmdə olan düz yoldur (və hər bir qüdrətdən xaricdir)».
Əl-Hicr surəsi
Ayə 42
«Və şübhəsiz, sənin Mənim bəndələrim üzərində heç bir hökmün yoxdur, (onlar yol seçməkdə həmişə ixtiyara malikdirlər), tamamilə sənə tabe olan azğınlardan başqa»!
Əl-Hicr surəsi
Ayə 43
«Və onların hamısının vədə yeri, mütləq Cəhənnəmdir».
Əl-Hicr surəsi
Ayə 44
Onun yeddi qapısı vardır, hər qapı(dan daxil olmaq) üçün onların bir hissəsi bölünmüşdür. [Yaxud: Onun yeddi təbəqəsi vardır ki, hər bir təbəqə üçün cəzalarının müxtəlifliyinə görə onların bir dəstəsi bölünmüşdür.
Əl-Hicr surəsi
Ayə 45
Və həqiqətən təqvalılar (o dünyada) bağlarda və bulaqlar(ın başın)da olacaqlar.
Əl-Hicr surəsi
Ayə 46
(Daxil olan zaman onlara) «(Allah və mələklər tərəfindən olan) salamla oraya daxil olun ki, (hər hansı bir zərər-ziyandan, xüsusilə fani olmaqdan və müddətin sona çatmasından) amanda olacaqsınız».
Əl-Hicr surəsi
Ayə 47
Və onların qəlblərində olan kin-küdurəti (batil düşüncələr və xarab xislətləri) elə çıxarıb atdıq ki, taxtlar üzərində qardaşcasına bir-birlərinin qarşısında əyləşərlər.
Əl-Hicr surəsi
Ayə 48
Orada onlara əsla bir zəhmət yetişməz və onlar oradan əsla çıxarılmazlar.
Əl-Hicr surəsi
Ayə 49
(Ya Peyğəmbər!) Mənim bəndələrimə xəbər ver ki, şübhəsiz, çox bağışlayan və mehriban Mənəm!
Əl-Hicr surəsi
Ayə 50
Və həmin ağrılı əzab (da) Mənim əzabımdır.
Əl-Hicr surəsi
Ayə 51
Və onlara İbrahimin qonaqlarından xəbər ver.
Əl-Hicr surəsi
Ayə 52
Onlar onun hüzuruna daxil olub «salam!» deyən zaman o (İbrahim) dedi: «Həqiqətən biz, (vaxtsız və icazəsiz gəldiyinizə görə) sizdən qorxuruq.»
Əl-Hicr surəsi
Ayə 53
Dedilər: «Qorxma, biz səni (İshaq adlı) bilikli bir oğulla müjdələyirik (ki, o, vəhy vasitəsilə din elmləri və səmavi kitablardan xəbərdar olacaqdır)».
Əl-Hicr surəsi
Ayə 54
Dedi: «Qocalığın mənə yetişdiyi bir halda mənə müjdə verirsiniz?! Belə olan halda, mənə nə müjdə verirsiniz?»
Əl-Hicr surəsi
Ayə 55
Dedilər: «Sənə düzgün (haqq və sabit) bir (işə görə) müjdə verdik. Buna görə də əsla naümidlərdən olma».
Əl-Hicr surəsi
Ayə 56
Dedi: «Öz Rəbbinin rəhmətindən azğınlardan başqa kim naümid olar?!»
Əl-Hicr surəsi
Ayə 57
Dedi: «Ey elçilər, bəs sizin (əsl) işiniz nədir?»
Əl-Hicr surəsi
Ayə 58
Dedilər: «Biz günahkar bir qövmə (Lut qövmünə) göndərilmişik (ki, onları həlak edək)».
Əl-Hicr surəsi
Ayə 59
«Lutun ailəsi istisna olmaqla. Biz onların hamısına mütləq nicat verəcəyik.»
Əl-Hicr surəsi
Ayə 60
«Onun (nicat tapacaq ailə üzvlərindən də) zövcəsi müstəsnadır ki, onun (imansızlığına görə) mütləq (Lut qövmünün əzabda) qalanlar(ın)dan olmasını qərara almışıq».