Quranda Ayə Axtarışı
Bütün Quran ayələrinin axtarışı, tərcüməsi və təfsiri
Quranda Axtarış Edin
Populyar Axtarışlar
28 açar söz
Axtarış nəticələri:
sureadi = "Əl-Əraf surəsi" üzrə
206 ayə tapıldı.
(101 - 120 arası göstərilir)
Yüklənir...
Nəticələr yüklənir...
Əl-Əraf surəsi
Ayə 101
Bu, (insan) cəmiyyətlər(i)dir ki, onların xəbərlərini sənə söyləyirik. Doğrudan da peyğəmbərləri onlara aydın dəlillər gətirdilər, lakin onlar qabaqcadan təkzib etdikləri şeyə iman gətirən deyildilər! Allah kafirlərin qəlblərinə beləcə (sərtlik və anlamazlıq) möhür(ü) vurur.
Əl-Əraf surəsi
Ayə 102
Onların çoxunda əhdə vəfa görmədik. Həqiqətən onların çoxunu olduqca itaətsiz gördük.
Əl-Əraf surəsi
Ayə 103
O zaman onlardan (əvvəlki peyğəmbərlərdən) sonra Musanı Öz ayə və nişanələrimizlə Fironun və onun qövmünün başçılarının yanına göndərdik. Beləliklə onlar o ayələrə zülm etdilər (onları qəbul etmədilər). Buna görə də fəsad törədənlərin aqibətlərinin necə olduğuna nəzər sal!
Əl-Əraf surəsi
Ayə 104
Və Musa dedi: «Ey Firon, həqiqətən mən aləmlərin Rəbbi tərəfindən (göndərilmiş) bir peyğəmbərəm.
Əl-Əraf surəsi
Ayə 105
Allah barəsində yalnız haqqı deməyə borcluyam. Şübhəsiz, sizin üçün (tovhid və öz nübuvvətim barəsində) aydın bir dəlil gətirmişəm. Odur ki, (onları qəbul et və) Bəni-İsraili mənimlə (öz əsl vətənləri olan Beytül-Müqəddəsə) göndər».
Əl-Əraf surəsi
Ayə 106
Firon dedi: «Əgər bir ayə və nişanə gətirmisənsə və doğruçulardansansa onda, onu gətir (və göstər)».
Əl-Əraf surəsi
Ayə 107
Beləliklə Musa öz əsasını atdı və o, dərhal aşkar bir əjdaha oldu.
Əl-Əraf surəsi
Ayə 108
Və əlini (qoltuğunun altından və ya yaxasından) çıxartdı və o, baxanlar üçün ağ və parlaq oldu.
Əl-Əraf surəsi
Ayə 109
Fironun qövmünün başçı və böyükləri (bir-birlərinə) dedilər: «Şübhəsiz, bu (kişi) çox bilikli bir sehrbazdır.
Əl-Əraf surəsi
Ayə 110
Sizi öz torpağınızdan çıxarmaq istəyir. Belə isə rəy və nəzəriniz nədir?».
Əl-Əraf surəsi
Ayə 111
(Firona) dedilər: «Onu(n) və qardaşını(n işini) saxla və şəhərlərə toplayıcı məmurlar göndər
Əl-Əraf surəsi
Ayə 112
ki, hər bir bilikli sehrbazı sənin yanına gətirsinlər».
Əl-Əraf surəsi
Ayə 113
Və sehrbazlar Fironun yanına gələrək dedilər: «Əgər biz qalib gəlsək, bizim üçün mütləq mühüm bir muzd olacaqmı?»
Əl-Əraf surəsi
Ayə 114
Dedi: «Bəli, şübhəsiz (saray sahibinə) yaxınlardan olacaqsınız».
Əl-Əraf surəsi
Ayə 115
(Sehrbazlar) dedilər: «Ey Musa, ya sən (öz cadugərlik vasitələrini) at, ya da biz ataq».
Əl-Əraf surəsi
Ayə 116
Dedi: «Siz atın.» Beləliklə elə ki, (cadugərlik alətlərini) atdılar camaatın gözlərini (sehrlə) bağladılar və onları çox qorxutdular və böyük bir sehr yaratdılar.
Əl-Əraf surəsi
Ayə 117
Və Biz Musaya «öz əsanı at!» deyə vəhy etdik. (Elə ki, Musa əsasını atdı, əsa əjdaha oldu.) Beləliklə, sehrbazların yalandan düzəltdiklərini qəfildən sürətlə tutub udurdu.
Əl-Əraf surəsi
Ayə 118
Beləliklə, haqq yerini aldı və onların etdikləri (onların sehri) puç oldu.
Əl-Əraf surəsi
Ayə 119
Beləliklə, (fironçuların hamısı) orada məğlub oldular və xar olaraq alçaldılar.
Əl-Əraf surəsi
Ayə 120
Və sehrbazlar (ixtiyarsız olaraq) səcdəyə düşdülər.