Quranda Ayə Axtarışı
Bütün Quran ayələrinin axtarışı, tərcüməsi və təfsiri
Quranda Axtarış Edin
Populyar Axtarışlar
28 açar söz
Axtarış nəticələri:
sureadi = "Ən-Nəbə surəsi" üzrə
40 ayə tapıldı.
(21 - 40 arası göstərilir)
Yüklənir...
Nəticələr yüklənir...
Ən-Nəbə surəsi
Ayə 21
Əlbəttə, Cəhənnəm (o gün bir) pusqudur. (Mələklər «sirat» körpüsünün yanında möminləri düşməndən qorumaq və kafirləri Cəhənnəmə çəkmək üçün pusqu qurarlar).
Ən-Nəbə surəsi
Ayə 22
Üsyankarlar üçün dönüş yeridir.
Ən-Nəbə surəsi
Ayə 23
Onlar uzun müddət (əbədiyyətə qədər) orada qalacaqlar.
Ən-Nəbə surəsi
Ayə 24
Onlar orada nə bir sərinlik (sərin hava və su) dadarlar, nə də içəcək.
Ən-Nəbə surəsi
Ayə 25
Qaynar sudan və çirk və qan qarışıq sudan (irindən) başqa
Ən-Nəbə surəsi
Ayə 26
(Onların dünyadakı əqidə, əxlaq və əməllərinə) uyğun cəza olaraq.
Ən-Nəbə surəsi
Ayə 27
Həqiqətən, onlar haqq-hesab (günün)ə heç bir ümid bəsləmirdilər.
Ən-Nəbə surəsi
Ayə 28
Və Bizim ayələrimizi və nişanələrimizi şiddətlə və israrla təkzib edirdilər.
Ən-Nəbə surəsi
Ayə 29
Biz hər bir şeyi saymış, Lövhi-Məhfuz kitabında yazmışıq və onların hər bir əməlini əməl dəftərlərində qeyd etmişik.
Ən-Nəbə surəsi
Ayə 30
Odur ki, dadın (əzabı!) Biz sizə əzabdan başqa əsla bir şey artırmayacağıq!
Ən-Nəbə surəsi
Ayə 31
Həqiqətən, təqvalılar üçün qurtuluş, səadət və nicat yeri var.
Ən-Nəbə surəsi
Ayə 32
Hasara alınmış bağlar və üzümlüklər,
Ən-Nəbə surəsi
Ayə 33
Nar məməli həmyaşıd qızlar,
Ən-Nəbə surəsi
Ayə 34
Və (müxtəlif şərablar və şərbətlərlə) dolu camlar (vardır).
Ən-Nəbə surəsi
Ayə 35
Onlar orada əsla nə boş söz eşidərlər, nə də bir yalan və təkzib; (Allah və mələklər onları və onlar da bir-birlərini təkzib etməzlər).
Ən-Nəbə surəsi
Ayə 36
(Bu) sənin Rəbbinin tərəfindən bir mükafat(dır), kifayət qədər olan və keçmiş əməllərə görə verilən bir bəxşişdir.
Ən-Nəbə surəsi
Ayə 37
(O,) göylərin, yerin və onların arasında olanların Rəbbidir. (O,) Məhşər əhlinin Onun hüzurunda söz deməyə (müstəqil surətdə şəfaət etməyə, yaxud Onun mühakiməsinə, mükafatına və cəzasına etiraz etməyə) əsla qadir olmadığı həmin Rəhman (olan Allah)dır.
Ən-Nəbə surəsi
Ayə 38
Ruhun (Cəbrail, yaxud mələklərin başçısı və ya mələk cinsindən olmayan başqa şərafətli bir varlıq) və mələklərin səf-səf duracağı gün Rəhman (olan Allah)ın izn verdiyi kəslərdən başqa heç kəs danışmayacaq, (danışan da) doğru danışacaq.
Ən-Nəbə surəsi
Ayə 39
O gün haqq olan gündür, odur ki, kim istəyirsə (elə indidən) öz Rəbbinə tərəf bir dönüş yolu tutsun (elə əqidə və əməllər seçsin ki, Ona yetişsin).
Ən-Nəbə surəsi
Ayə 40
Həqiqətən, Biz sizi yaxın olan əzabla qorxutduq. Elə bir gün(lə) ki, (o gün) hər kəs öz əlləri ilə öncədən göndərdiklərinə baxar, kafir deyər: «Kaş ki, torpaq olaydım (və heç bir məsuliyyətim olmayaydı)».