NUR TƏFSİRİ: Ən-Nisa surəsi / ayə 172
"Həzrət İsa heç vaxt Allahın bəndəliyini təkəbbürlə qarşılamamışdı. Yaxın mələklər də belədir.
Nöqtələr
İmam Riza (ə) həmin dövrün məsihi rəhbəri Casliqə buyurdu: "İsanın hər işi yaxşı idi, amma ibadət əhli deyildi.” Müsahibi imamın bu sözündən narahat oldu və dedi: "O çox ibadət edirdi.” Həzrət soruşdu: "Kimə pərəstiş edirdi?” Müsahibi susdu. Anladı ki, imamın məqsədi abidin məbud ola bilməməsini anlatmaqdır.
Allaha ibadətə münasibətdə xalq üç halda olur: Bir dəstə təkəbbürlü, bir dəstə təslim, digər bir dəstə isə tələb edən. Həzrət Əli (ə) buyurmuşdur: "(Pərvərdigara,) mənim üçün Sənin bəndən olmaq iftixarı bəsdir.”("Bihar”, c. 94, s. 92. )
Bildirişlər
1. Dini işlərdə "aşdan isti kasa” olmayın. İsa özünü Allahın bəndəsi bilir. Siz nə üçün onu Allahın oğlu sayırsınız?!
2. Məsih nəinki ibadət edirdi, o bütün varlığı ilə Allahın bəndəsi idi.
3. Yaxın mələklər Allaha bəndəlik edir. Nə üçün bu mələklərdən olan Ruhul-Qüdsü üç Allahdan biri sayırsınız?
4. İbadəti tərk etmənin qaynağı təkəbbürdür. Əgər ruhda təkəbbür halı olsa, bütün təhlükələr gözlənilir.
5. Hamı Allaha doğru qayıdasıdır. Qiyamətdən qorxaq və təkəbbür göstərməyək.