Quranda Ayə Axtarışı
Bütün Quran ayələrinin axtarışı, tərcüməsi və təfsiri
Quranda Axtarış Edin
Populyar Axtarışlar
28 açar söz
Axtarış nəticələri:
sureadi = "Əl-Qiyamə surəsi" üzrə
40 ayə tapıldı.
(1 - 20 arası göstərilir)
Yüklənir...
Nəticələr yüklənir...
Əl-Qiyamə surəsi
Ayə 1
And içirəm Qiyamət gününə.
Əl-Qiyamə surəsi
Ayə 2
Və and içirəm özünü məzəmmət edən nəfsə (möminin nəfsinə və Allaha asi olduğu üçün özünü məzəmmət edən ayıq vicdanına and olsun ki, Qiyamət haqdır).
Əl-Qiyamə surəsi
Ayə 3
Yoxsa insan belə güman edir ki, Biz əsla onun sümüklərini (öldükdən sonra torpaqların arasından) bir yerə yığa bilməyəcəyik?
Əl-Qiyamə surəsi
Ayə 4
Bəli (bir yerə yığacağıq), hələ bir (üstəlik) onun barmaqlarının ucunu da əvvəldə olduğu kimi sirli xətlərlə düzəltməyə qadirik.
Əl-Qiyamə surəsi
Ayə 5
(Onun inkar etməyi yalnız Qiyamət barəsində şəkk etdiyinə görə deyildir) əslində insan istəyir ki, (ömrü) irəlilədikcə günah etsin.
Əl-Qiyamə surəsi
Ayə 6
Soruşur ki: «Qiyamət günü nə vaxtdır?»
Əl-Qiyamə surəsi
Ayə 7
Göz (ölümün çətinliyindən, yaxud da Məhşərin dəhşətindən) donub qalacağı və bərələcəyi;
Əl-Qiyamə surəsi
Ayə 8
Ayın nurunun sönəcəyi;
Əl-Qiyamə surəsi
Ayə 9
Və günəşlə ayın (nurun yox olmasında, yaxud yerə və ya kainata yaxınlıqda) birləşəcəyi zaman
Əl-Qiyamə surəsi
Ayə 10
Məhz o gün insan: «Qaçıb qurtulmaq üçün yer haradadır?» – deyəcəkdir.
Əl-Qiyamə surəsi
Ayə 11
Xeyr, (o gün) heç bir sığınacaq yeri olmayacaq.
Əl-Qiyamə surəsi
Ayə 12
O gün (bütün varlıqların yaradılışın əvvəlindən üz tutduqları) son qərargah yalnız sənin Rəbbinin tərəfinədir (dərəcələrinin müxtəlifliyinə uyğun olaraq Cənnətdə, yaxud Cəhənnəmdə əbədi yerləşərlər).
Əl-Qiyamə surəsi
Ayə 13
O gün insana öncədən göndərdiyi (dünyada etdiyi) və təxirə saldığı (etmədiyi) şeyi (yaxud dünyada etdiyi xeyir və şər işləri və ya özündən sonra adət kimi qoyub getdiyi yaxşı və pis işlər barəsində) xəbər veriləcəkdir.
Əl-Qiyamə surəsi
Ayə 14
(Xəbər verməyə heç ehtiyac da yoxdur,) əslində insan öz nəfsini görəndir.
Əl-Qiyamə surəsi
Ayə 15
Baxmayaraq ki, (zahirdə) hər cür üzrxahlıq edər.
Əl-Qiyamə surəsi
Ayə 16
(Qur’an nazil olan zaman) onu oxumağa tələsərək dilini onunla birgə hərəkət etdirmə (vəhy tamam olmamışdan öncə oxumağa başlama, yaxud sənin qəlbində əmanət olaraq qoyduğumuz Qur’anın məcmuəsindən surələri, ya ayələri, ümumiyyətlə heç nəyi– vaxtı yetişməzdən öncə – dilinə gətirmə).
Əl-Qiyamə surəsi
Ayə 17
Şübhəsiz, onu (sənin qəlbində) cəm etmək, onu (sənə) oxumaq (və sənin camaata oxumağın) Bizim öhdəmizdədir.
Əl-Qiyamə surəsi
Ayə 18
Onu oxuduğumuz zaman onun oxunuşuna tabe ol.
Əl-Qiyamə surəsi
Ayə 19
Sonra onu(n həqiqətlərini və sirlərini) bəyan etmək də Bizim öhdəmizdədir.
Əl-Qiyamə surəsi
Ayə 20
Belə deyildir (axirəti inkar etməyiniz ona şəkk etdiyinizə görə deyil,) əslində siz bu tez keçib – gedən dünyanı sevirsiniz.