NUR TƏFSİRİ: Taha surəsi / ayə 85
"(Allah) buyurdu: «Həqiqətən, Biz qövmünü səndən sonra sınağa çəkdik və Samiri onları azdırdı.»”
Nöqtələr
İmam Sadiq (ə) yuxarıdakı ayələrə əsasən aşiqin siması haqqında belə buyurur: "Aşiq insan məhbubuna yetənədək yemək, libas, məskən haqqında düşünmür, aramlıq tapmır. Necə ki, həzrət Musa vəhyə çatmaq eşqi ilə yuxu və yeməkdən qalmışdı. O dedi: "Pərvərdigara! Mən qövmümdən tez gəldim ki, sən razı qalasan.”(Təfsire-Məcməül-bəyan”.)
Bildirişlər
1. Peyğəmbər də öz əməllərinə görə cavabdehdir.
2. Rəhbər öndə getməlidir ki, ümmət də onun arxasınca hərəkət etsin.
3. Musa Allah, ilahi kəlamı dinləmək aşiqi idi.
4. Xeyir işdə, Allahın razılığını əldə etmək üçün tələsməyin eybi yoxdur.
5. Peyğəmbərlərin ən böyük məqsədi Allahın razılığını qazanmaqdır.
6. Cəmiyyətdə ilahi rəhbər varsa, düşmən bir iş görə bilməz. Azğınlar ilahi rəhbərin bir müddət olmamasından sui-istifadə edirlər.
7. Ümmətlər rəhbərdən uzaq düşdükdə onlar üçün sınaq və fitnə təhlükəsi var.
8. Xalqın dini inanclarının aradan götürülməsində azğın sənət adamı zalım hakimdən az rol oynamır.
9. Təzə iman gətirənlər üçün mürtədlik (dindən çıxma) təhlükəsi daha ciddidir.
10. Peyğəmbərin səhabəsi olmaq bəs deyil. Xoş aqibət və dini möhkəmlik zəruridir. (Allah Bəni-İsraili xilas etdi, onlara pak ruzi verdi. Amma yenə bədbəxt oldular.)