NUR TƏFSİRİ: Ən-Nəhl surəsi / ayə 33
"Yoxsa kafirlər (ruhlarını çıxaracaq) mələklərin Rəbbinin əmrinin soraqlarına gəlməsindən başqa bir şeymi gözləyirlər?! Onlardan əvvəlkilər də belə etdilər. Allah onlara zülm etmədi, amma onlar özlərinə zülm edirdilər.”
Nöqtələr
"Bəqərə” surəsinin 210-cu, "Ənam” surəsinin 158-ci ayələri də bu ayənin oxşarıdır.
Peyğəmbərin nəsihətindən oyanmayanlar Allahın əzab qamçısından oyanarlar. Amma bunun nə faydası?!
Bildirişlər
1. Kafirlər Allahın qəhr-qəzəbini görməyincə öz küfrlərindən əl çəkməzlər.
2. Allahın dünyadakı qəhr-qəzəbi intiqam üçün yox, tərbiyə üçündür.
3. Şirk, küfr və təkəbbürçülük cərəyanı tarix boyu fəal olmuşdur.
4. İlahi əzab bizə zülm deyil. Zülm öz əməllərimizdir.
5. Küfr və təkəbbür öz insanlığımıza zülmdür.
6. Zülm və tüğyanın davamı təhlükəlidir.
7. Höccət tamamlandıqdan, peyğəmbərlər və kitablar göndərildikdən sonra əzabın gəlişi zülm yox, məhz ədalətdir.