NUR TƏFSİRİ: İbrahim surəsi / ayə 33
"(Allah) daim hərəkətdə olan günəş və ayı, eləcə də, gecə və gündüzü sizin üçün ram etdi.”
Nöqtələr
"Dəb” sözündən olan "daibəyn” sözü "sabit” adət mənasını bildirir. Məraği öz təfsirində bildirir ki, "daibəyn” daim hərəkətdə olma mənasını ifadə edir.
Günəş daim hərəkətdə olan enerji mənbəyidir. Bu mənbə insanın yaratdığı enerji mənbələrindən fərqli olaraq yanacaq çatışmazlığından və ya təmir üçün dayanmır. Əgər günəş bir an olmasa, yer üzü hansı hala düşər? Bəşəriyyətin, bitki aləminin, heyvanların həyatını günəşsiz təsəvvür etmək mümkünsüzdür. İşıq və istilikdən məhrum olmuş təbiət çox böyük müsibətlərlə üzləşə bilər.
Buludlar, günəş, ay durmadan işdə,
Oyan, səninçündür atılan addım.
Yaranmış mütidir haqqın sözünə,
İnsafmı asi tək çəkilsin adın?!
Bildirişlər
1. Təkcə yer və onun nemətləri yox, hətta səma və səma cisimləri onun ehtiyaclarına münasib yaradılmışdır.