Ali-İmran surəsi - Ayə:133.- Azərbaycan dilində tərcüməsi

Ali-İmran surəsi 133. Ayənin Təfsirləri

"Rəbbinizin sizi bağışlamasına, göylər və yer qədər geniş olan və təqvalılar üçün hazırlanmış behiştə tələsin.”

Nöqtələr

Bir qrup İslam aliminin fikrincə, behişt və cəhənnəm hal-hazırda mövcuddur. Onlar bu məsələdə "Şüəra” surəsinin 90-cı ayəsini dəlil göstərirlər.

Günahın bağışlanması Allahın işidir. Bağışlanmağa doğru tələsmək bağışlanmaya səbəb olacaq işlərə tələsmək mənasındadır.

Ayədəki "ərz” sözü uzunluq yox, genişlik mənasındadır.

Həzrət Əli (ə) bu ayənin təfsirində buyurmuşdur: "İlahi vəzifələri yerinə yetirməyə tələsin.”("Təfsire-Məcməül-bəyan”. )

Bildirişlər

1. Xeyir işdə sürət həmin işin dəyərini artırır.

2. Əvvəlcə bağışlanmaq, sonra isə behiştə getmək!

3. Xalqın günahlarının bağışlanması ilahi rübubiyyət şənidir.

4. Tövbəyə tələsmək lazımdır.

5. Behiştə doğru sürətin şərti müttəqilər zümrəsində olmaqdır.

Müəllif: MÖHSÜN QƏRAƏTİ.

Ali-İmran surəsi - Ayə: 133