Ət-Tövbə surəsi - Ayə: 47

Məkkəvi Quran-ı Kərim
Bütün Sürə
Ət-Tövbə surəsi - Ayə: 47
Əgər sizin aranızda (döyüşə) çıxsaydılar, sizin üçün fəsaddan başqa bir şey artırmazdılar və şübhəsiz, sizə fitnə yaratmaq üçün sizin aranızda pozuculuq etməyə tələsərdilər. Sizin aranızda cəsuslar və onların sözlərinə çox qulaq asan imanı zəiflər vardır. Allah zalımları tanıyır.
بِسْمِ اللَّهِ الرَّحْمَٰنِ الرَّحِيمِ قُلْ هُوَ اللَّهُ أَحَدٌ
Ət-Tövbə surəsi 46. Ayə Ət-Tövbə surəsi 48. Ayə

Ət-Tövbə surəsi 47. Ayənin Təfsirləri

NUR TƏFSİRİ: Ət-Tövbə surəsi / ayə 47 MÖHSÜN QƏRAƏTİ.

"Əgər (münafiqlər) sizinlə birlikdə döyüş üçün xaric oldularsa, sizə yalnız fəsad (dərd, iztirab) artırdılar. Yubanmadan aranızda qarışıqlıq salırdılar ki, fitnə yaransın. Onların sözünə qulaq, könül verənləriniz (təsirləndilər). Allah sitəmkarların halından agahdır.”
Nöqtələr
"Xəbal” iztirab, tərəddüd mənasını bildirir. "Xəbəl” dəlilik, "Xəbl” isə fəsad deməkdir. "İza” sözündən olan "Əvzəu” sözü hərəkət və nüfuzda sürət mənasını ifadə edir. "Fitnə” sözü ayədə təfriqə və azğınlıq mənasında işlədilmişdir. "Səmma” dedikdə düşmənin xeyrinə söz gəzdirən casus nəzərdə tutulur.
Bildirişlər
1. İslam ordusu seçilmiş və xalis olmalıdır. Say, kəmiyyət əsas deyil.
2. Allah möminlərə təsəlli verir ki, münafiqlərin cəbhədən qaçması onları nigaran etməsin.
3. Münafiqlərin cəbhədə iştirakı ruhiyyəni zəiflədir, təfriqə və tərəddüd yaradır.
4. Münafiqlər sürətlə hərəkət edirlər.
5. Bəzi müsəlmanlar münafiqlərin nə dərəcədə təhlükəli olduqlarını dərk etmirlər. Onlar sadəlövhcəsinə qısa bir zamanda münafiqlərin təsiri altına düşürlər.
6. Münafiq zalımdır və Allah bu zümrəyə xəbərdarlıq etmişdir.
Müəllif: MÖHSÜN QƏRAƏTİ.

Əlaqəli Ayələr

Ət-Tövbə surəsi 40. Ayə
Ət-Tövbə surəsi 41. Ayə
Ət-Tövbə surəsi 42. Ayə
Ət-Tövbə surəsi 43. Ayə
Ət-Tövbə surəsi 44. Ayə
Ət-Tövbə surəsi 45. Ayə
Ət-Tövbə surəsi 46. Ayə
Ət-Tövbə surəsi 48. Ayə
Ət-Tövbə surəsi 49. Ayə
Ət-Tövbə surəsi 50. Ayə
Ət-Tövbə surəsi 51. Ayə
Ət-Tövbə surəsi 52. Ayə
Ət-Tövbə surəsi 53. Ayə
Ət-Tövbə surəsi 54. Ayə