"Allahın onları bağışlayacağına ümid var. Allah daim əfv edən və bağışlayandır.”
Küfrü dəf etmək üçün bir tədbiri, haqqa təslim olmaq üçün bir yolu olmayanlar müstəzəfdirlər və Allah onların öhdəsindən vəzifəni götürmüşdür.("Təfsire-Safi”. )
İmam Baqir (ə) buyurmuşdur: "Ağlı uşaq səviyyəsində olan kişilər və qadınlar müstəzəfdir.”("Nurus-Səqəleyn”, c. 1, s. 537; "Məaniyul-Əxbar”, s. 201. )
1. Vəzifəli olmaq üçün şərtlərdən biri insanın qüdrətidir.
2. Küfrün ağuşunda olan qadınlar və uşaqların da qüvvəsi çatdıqda hicrət onlara vacib olur.
3. Həqiqi müstəzəf hicrət gücü yetməyən, kafirlərin və müşriklərin işkəncəsindən qaçmaq yolu olmayan kəsdir.
4. İmkan olduğu halda dini maarifə yiyələnməmək günah və insanın özünə zülmüdür.
5. Gerçək üzrlər qəbul olur. Amma saxta üzrxahlıq və bəhanəçilik məqbul deyil.
6. Hicrət o qədər mühümdür ki, giriftar və aciz insanların hicrəti tərk etmə günahının bağışlanması haqqında danışılarkən qəti bir söz deyilmir, "bəlkə də; ümid var” ifadəsi işlədilir.