Əl-Maidə surəsi - Ayə: 76

Məkkəvi Quran-ı Kərim
Əl-Maidə surəsi - Ayə: 76
De: «Allahı qoyub (müstəqil surətdə) sizə heç bir ziyan və xeyir vermək imkan və qüdrəti olmayan şeyə ibadət edirsiniz?! Allah eşidən və biləndir!
بِسْمِ اللَّهِ الرَّحْمَٰنِ الرَّحِيمِ قُلْ هُوَ اللَّهُ أَحَدٌ

Əl-Maidə surəsi 76. Ayənin Təfsirləri

NUR TƏFSİRİ: Əl-Maidə surəsi / ayə 76 MÖHSÜN QƏRAƏTİ.

"(Ey peyğəmbər! Xalqa) de ki, sizin üçün heç bir faydası və zərəri olmayan, Allahdan qeyrisinəmi pərəstiş edirsiniz? Halbuki Allah eşidən və biləndir.”
Nöqtələr
Bu ayədə məsihilərdən bir dəstəsi həzrət İsaya münasibətdə şirk və düşmənçiliyə görə məzəmmət olunmuşdur.
Bildirişlər
1. Şirk yolunun tanınması üçün ağıl və vicdanınıza müraciət edin.
2. Pərəstişin mehvəri və kökü mənfəət qazanmaq və ya zərəri uzaqlaşdırmaqdır. Allahdan qeyri kimsə nə zərəri uzaqlaşdıra bilər, nə də mənfəət gətirər.
3. Yalnız Allah istəkləri eşidir, insanların xeyir və zərərindən xəbərdardır. Məbud seçilmiş başqaları bu sahədə fəaliyyətsizdir.
Müəllif: MÖHSÜN QƏRAƏTİ.