Quranda Axtarış Edin

Axtarış nəticələri: "Əl" üzrə 4804 ayə tapıldı. (1541 - 1560 arası göstərilir)
Yüklənir...

Nəticələr yüklənir...

Əl-Hicr surəsi Tapıldı

Ayə 43
«Və onların hamısının vədə yeri, mütləq Cəhənnəmdir».

Əl-Hicr surəsi Tapıldı

Ayə 44
Onun yeddi qapısı vardır, hər qapı(dan daxil olmaq) üçün onların bir hissəsi bölünmüşdür. [Yaxud: Onun yeddi təbəqəsi vardır ki, hər bir təbəqə üçün cəzalarının müxtəlifliyinə görə onların bir dəstəsi bölünmüşdür.

Əl-Hicr surəsi Tapıldı

Ayə 45
Və həqiqətən təqvalılar (o dünyada) bağlarda və bulaqlar(ın başın)da olacaqlar.

Əl-Hicr surəsi Tapıldı

Ayə 46
(Daxil olan zaman onlara) «(Allah və mələklər tərəfindən olan) salamla oraya daxil olun ki, (hər hansı bir zərər-ziyandan, xüsusilə fani olmaqdan və müddətin sona çatmasından) amanda olacaqsınız».

Əl-Hicr surəsi Tapıldı

Ayə 47
Və onların qəlblərində olan kin-küdurəti (batil düşüncələr və xarab xislətləri) elə çıxarıb atdıq ki, taxtlar üzərində qardaşcasına bir-birlərinin qarşısında əyləşərlər.

Əl-Hicr surəsi Tapıldı

Ayə 48
Orada onlara əsla bir zəhmət yetişməz və onlar oradan əsla çıxarılmazlar.

Əl-Hicr surəsi Tapıldı

Ayə 49
(Ya Peyğəmbər!) Mənim bəndələrimə xəbər ver ki, şübhəsiz, çox bağışlayan və mehriban Mənəm!

Əl-Hicr surəsi Tapıldı

Ayə 50
Və həmin ağrılı əzab (da) Mənim əzabımdır.

Əl-Hicr surəsi Tapıldı

Ayə 51
Və onlara İbrahimin qonaqlarından xəbər ver.

Əl-Hicr surəsi Tapıldı

Ayə 52
Onlar onun hüzuruna daxil olub «salam!» deyən zaman o (İbrahim) dedi: «Həqiqətən biz, (vaxtsız və icazəsiz gəldiyinizə görə) sizdən qorxuruq.»

Əl-Hicr surəsi Tapıldı

Ayə 53
Dedilər: «Qorxma, biz səni (İshaq adlı) bilikli bir oğulla müjdələyirik (ki, o, vəhy vasitəsilə din elmləri və səmavi kitablardan xəbərdar olacaqdır)».

Əl-Hicr surəsi Tapıldı

Ayə 54
Dedi: «Qocalığın mənə yetişdiyi bir halda mənə müjdə verirsiniz?! Belə olan halda, mənə nə müjdə verirsiniz?»

Əl-Hicr surəsi Tapıldı

Ayə 55
Dedilər: «Sənə düzgün (haqq və sabit) bir (işə görə) müjdə verdik. Buna görə də əsla naümidlərdən olma».

Əl-Hicr surəsi Tapıldı

Ayə 56
Dedi: «Öz Rəbbinin rəhmətindən azğınlardan başqa kim naümid olar?!»

Əl-Hicr surəsi Tapıldı

Ayə 57
Dedi: «Ey elçilər, bəs sizin (əsl) işiniz nədir?»

Əl-Hicr surəsi Tapıldı

Ayə 58
Dedilər: «Biz günahkar bir qövmə (Lut qövmünə) göndərilmişik (ki, onları həlak edək)».

Əl-Hicr surəsi Tapıldı

Ayə 59
«Lutun ailəsi istisna olmaqla. Biz onların hamısına mütləq nicat verəcəyik.»

Əl-Hicr surəsi Tapıldı

Ayə 60
«Onun (nicat tapacaq ailə üzvlərindən də) zövcəsi müstəsnadır ki, onun (imansızlığına görə) mütləq (Lut qövmünün əzabda) qalanlar(ın)dan olmasını qərara almışıq».

Əl-Hicr surəsi Tapıldı

Ayə 61
Beləliklə, elə ki, elçilər Lut ailəsinin yanına gəldilər,

Əl-Hicr surəsi Tapıldı

Ayə 62
Lut dedi: «Həqiqətən, siz tanış olmayan və yad bir dəstəsiniz».
114 Sürə
6236 Ayə
4804 Tapılan Nəticə
241 Səhifə
Ana səhifə Quran Axtarış Seçilənlər Ayarlar