Əz-Zuha surəsi
11 Ayə
Mədəni Surə
93. Sürə
Əz-Zuha surəsi Haqqında
Bu surə Quran-ı Kərimdə 93. surədir və 11 ayədən ibarətdir. Mədəni surəsi olan Əz-Zuha surəsi surəsinin Azərbaycan dilində tərcüməsini aşağıda tapa bilərsiniz.
Əz-Zuha surəsi - Azərbaycan dilində tərcüməsi
And olsun günəşin doğmasına və aydın gündüzə.
And olsun sakitləşməkdə və (hər yeri) bürüməkdə olan gecəyə ki,
(Ya Muhəmməd), Rəbbin səni tərk etməmiş və (sənə) acığı tutmayıb.
Və şübhəsiz, axirət sənin üçün dünyadan daha xeyirlidir.
Həqiqətən, Rəbbin tezliklə sənə (o qədər) əta edər ki, (Ondan) razı qalarsan.
Məgər (O) səni yetim ikən tapıb, sığınacaq və pənah vermədimi?! (Və məgər səni zəmanəndə yeganə və tək tapıb bütün aləmi ətrafında cəm etmədimi?)
Və səni (din mərifətlərindən) xəbərsiz tapıb, (vəhy vasitəsilə) yol göstərdi.
Və səni fəqir və ehtiyac (içində) tapıb, ehtiyacsız etdi.
Belə isə əsla yetimi alçaltma və qovma!
Və dilənçini (də) acıqla qovma.
Və Rəbbinin (sənə əta etdiyi) nemətindən söhbət aç! (De ki, sən özün Allahın varlıq aləminə olan ilk hədiyyəsisən, yaradılış qapısının fəth olunma vasitəsisən, ən kamil insaniyyətə, ən kamil ağıla, əzəmətli əxlaqa, peyğəmbərliyin xətm olunmasına, ən dolğun bir dinə, əbədilik Qur’ana, zat müqəddəsliyinə və canişinlərin ismətinə maliksən).